有人話屋企有自來雀係大吉之兆，表示嗰間屋風水好、人財兩旺咁話喎。嗱，假如遇到一隻自來雀係大吉之兆嘅話，咁一次過遇到成四十幾隻自來雀咪係大吉之中嘅大吉之兆？嗚哇，真係不得了喎！

是咁的，話說最近有位台灣網民嘅屋企就突然嚟咗一群燕子，佢目測仲大約有成四十幾隻咁多?㗎！無啦啦有咁大班不速之客亂入，搞到呢位網民除咗拎起部手機影相之外都唔知講咩好喇……

弱弱一問，假如班燕子齊齊喺呢位網民屋企築巢，咁呢位台灣網民咪淨係賣燕窩都賣到金翅發達鳥？any肥，唔理啲燕子會唔會喺呢位網民屋企築巢都好啦，淨係見到有咁多燕子飛入屋呢個景象都知係好意頭啦，證明呢位網民住緊嘅係一塊福地嚟呀！（不過希望呢位網民唔會清雀sss都清到手軟啦…）

btw，點解人哋屋企風水好到可以有幾十隻燕子飛入屋，而毛毛嘅屋企就淨係試過得幾十隻飛蟻飛入屋……咁樣公平咩？

資料來源：彼得潘／爆廢公社