作為一個孝義永在心嘅良好青少年，畀阿媽點都係一件好正常嘅事嚟。

最近，有位台灣網民都畀阿媽點咗去七仔度收件。之不過當佢同完便利店店員講佢想拎邊個包裹之後，嗰兩個店員竟然互相對望然後陰陰嘴咁笑？下，拎個包裹都好笑嘅？你兩個店員係咪畀返工返到傻L咗呀？到佢拎起個包裹一睇先知，原來阿媽買嘅係「愛戀櫻桃潤滑劑」嚟呀！

呢位網民諗諗下，阿媽又好似真係個會買呢啲嘢嘅人嚟。咦，咁唔通係阿媽怕醜唔敢拎，所以先扮忙嚟陰9佢？喂阿媽你呢招都好絕啫！好心你買埋啲咁嘅嘢就早啲單聲，等呢位網民有個心理準備呀嘛……

呢位網民愈諗就愈激氣，覺得自己好似畀阿媽fake咗咁，於是乎返屋企問下阿媽點解唔自己收件。點知阿媽話「我真的沒有！我怎麼可能會買這種東西！」喎，仲叫呢位網民唔信嘅自己打開睇下?！

一打開，果然喺包裹入面嘅笨唔係潤滑劑，係一set碗碟……唉，今次真係畀個賣家fake死喇！

btw計毛毛話，呢位網民都未打開埋個碗碟紙皮箱，你點知呢個紙皮箱入面裝住嘅係咪碗碟嚟啫～唔通賣家用個碗碟紙皮箱嚟做掩飾又要話你知咩？

資料來源：dcard