對一個（自覺）患上強迫症嘅人嚟講，見到啲嘢排得唔整齊嗰下真係會覺得好唔舒服！而最近，有日本網民都喺街度見到個足以令強迫症患者崩潰嘅坑渠蓋喎……大家睇下，個坑渠蓋上下會調轉咁樣樣想點呀！

點解命運要咁殘酷？我最唔想見到嘅坑渠蓋竟然咁啱喺呢度畀我見到佢……佢真係好礙眼，好礙眼呀！唉死啦，而家個坑渠蓋喺日本，毛毛又冇錢搭飛機去日本移返正佢，有冇PS大神可以出手幫毛毛移返正佢呀？

好彩，喺呢位網民post咗張相上twitter幾個鐘之後，已經有另一位日本網民用photoshop安撫一下一眾強迫症患者，post返張「解藥」出嚟啫。雖然係咁，但毛毛都仲係覺得好唔舒服……你哋睇真啲，個坑渠蓋上面嘅線同紋路仲係未對正㗎！我接受唔到囉！！！

唉，計毛毛話，如果嗰位渠蓋工人可以跟呢間便利店嘅店員學下嘢，咁咪乜事都冇囉！

between，不過家陣啲貨擺到咁整齊，會唔會搞到啲客人唔好意思買嘢㗎……

こういうの嫌い pic.twitter.com/asrc9OtYdP

— バルブP (@WTM666W) 2017年2月6日

資料來源：WTM666W／twitter、applefun0607／twitter​、nekottinyan／twitter

睇埋：【強迫症福音】便利店店員將啲嘢排到咁整齊好治癒呀