趁人少少，不如講啲平時冇乜點講嘅啦……唔好見毛毛成日嘻嘻哈哈咁呀，其實都好驚嗰啲嘢㗎……聽人講呢，小朋友因為又pure又true，未畀世俗污染，所以對嗰啲嘢特別敏感，仲可能見到大人見唔到嘅嘢㗎，係咪即刻嚇到九叔，想暫停今晚同女朋友嘅生仔大計呢！

嘩！就講就有！估唔到屋企都會有細路鬼呀！咦唔係喎，post相嘅網民又唔係小朋友，點解都會見到嘅？冷靜啲先啦，唔係咁都唔認得呀？佢係你個仔嚟呀！仔呀仔，你企喺塊磨砂玻璃後面都夠晒恐怖啦，仲要伸條脷出嚟舐舐舐，擺明想嚇到媽咪個心離一離！唔好諗住話自己扮緊清道夫魚就可以甩身呀！

有手多多嘅網民路過見到呢個細路咁有成為電影明星嘅潛質，就幫手改圖，將張相P做電影海報喇！不過係恐怖電影啫……咁搞法會唔會連媽咪以後見到囝囝都有心理陰影㗎？

磨砂玻璃畀你睇到少少但又保留返啲神秘感，約隱約現，如果係女神企喺後面就真係引死人喇～但係點解，女神就冇，我最唔想見到嘅細路鬼就偏偏畀我喺度遇到佢……

雖然今次個細路鬼冇伸條脷出嚟舐玻璃，但係隔住塊玻璃，都好似feel到佢用空洞嘅雙眼一直望住自己咁，真係心都寒呀……真係估唔到原來磨砂玻璃咁猛㗎，不如改名做照妖鏡呀笨，唯有化身捉鬼敢死隊去睇下佢何方妖孽！

咁大個人就唔好咁多幻想啦，邊得嚟咁多鬼至得㗎，買餸車就有一架！都叫你唔好成日自己嚇自己㗎啦，係咪做得虧心事多呀，你講呀！

本日のハイライト pic.twitter.com/si5ZqDscOp

— DO@RAT (@DOaRAT7585) February 7, 2017

封面圖片、資料來源連結：DOaRAT7585／twitter、emceNNa

延伸閱讀： 【咒怨2.0】阿媽你唔好企喺門口度睇我沖涼啦 嚇死人咩！