有一種成功感，係鍾意夾公仔嘅人先會明白。

嗱，咁辛苦先至夾到隻公仔上嚟，唔係唔同人哋曬下命下話？

呢位台灣網民嘅阿哥都唔例外，次次夾到公仔都會同佢瘋狂炫耀自己有幾勁，而且仲衰到連掂都唔畀人掂隻公仔?！而今次佢夾到隻奇異種子之後，竟然冇曬命不但止，仲將隻公仔送咗畀排行最細嘅細佬？

到底今日係細佬生日，定係阿哥轉死性呢？

本來細佬收到隻奇異種子都好開心嘅，點知佢拎起隻公仔上手之後就突然一秒崩潰，仲抌咗隻公仔落地?！跟住呢位網民就諗住睇下發生咩事，執返起隻公仔睇下啦，點知連佢都即時崩潰埋喎……

嘩＿，呢隻咩嚟㗎？乜奇異種子咁嘅樣㗎咩？唔好蝦毛毛膝頭哥唔睇《寵物小精靈》好喎！唉，原來隻奇異種子畀人縫到咁樣樣，唔怪得阿哥肯送畀細佬，又唔怪得阿細佬會一秒抌落地啦……

btw，其實隻奇異種子都冇違反商品說明條例嘅，話明奇異種子，個樣唔夠奇異又點叫做奇異種子啫？嗯嗯。

資料來源：dcard

睇埋：【完全認唔到】拎起先發現…乜隻Mo仔咁樣樣嘅喂？！