眾所9知，日文當中有唔少漢字，就算大家唔識日文，有時單靠漢字都可以估到大約意思。嗱，日文漢字「無料」係解免費就係人都知啦，咁唔知大家又知唔知日文漢字「泥棒」係點解呢？係鏟？定係鋤頭呢？錯錯錯，日文漢字「泥棒」係小偷咁解呀！

最近，有日本網民就無意中喺條街度見到有幾個人頭公仔掛咗喺幅牆上面，而且掛上去嘅位置同角度仲非常之詭異，搞到嗰幾個人頭公仔好似一路望住你，望到你心裡發寒咁?！嘩，真係好彩而家係日光日白見到呢幾個人頭啫，如果唔係呀，夜媽媽見到呢幾個人頭真係畀佢嚇到九都叔埋呀……

冇錯，呢幾個人頭公仔嘅作用之唔係想嚇到人九叔囉！i mean係嚇到啲「泥棒」九叔呀。

假如啲「泥棒」偷偷下嘢見到呢幾個人頭公仔望到佢哋實一實，仲唔即刻嚇到九都叔埋咩？咁咪自然冇咁大個豹子膽偷嘢囉（好似係）！

用咁低成本嘅人頭公仔嚟做防盜裝置都得？日本人係有創意嘅。

ここ一番グッときた防犯です pic.twitter.com/8hKZ3R1qY0

— 机 (@omott_) 2017年3月7日

資料來源：omott_／twitter