夏日熱辣辣好熱好熱，有主人為咗令寵物涼爽啲，所以每逢夏天都會幫寵物剃毛（頭盔：剃毛涉及風險，主人請自行評估）。而最近，有隻住喺台灣嘅鬆獅狗「丸子」都去咗剃毛，不過當「丸子」剃完毛之後，主人竟然完全唔認得佢，仲話佢個樣好似唔L係啩熊（又稱樹熊）？

似唔L係啩熊？唔L係啩！

是咁的，話說「丸子」平時就好鍾意黐住主人瞓嘅，有日「丸子」又如常瞓喺主人隔籬啦，點知主人起身之後竟然唔認得「丸子」，仲以為佢係人哋屋企隻狗?⋯⋯​原來因為「丸子」剃完毛之後成隻唔L係啩熊咁呀！​

嗯，咁「丸子」剃完毛個樣又真係幾似唔L係啩熊嘅，就連毛毛見到佢個樣都爭啲想塞塊樹葉落佢個口?⋯⋯​​好彩，主人戴返副眼鏡之後都仲認得「丸子」，如果唔係「丸子」真係嬲嬲豬㗎喇！​

btw，「丸子」啲皮膚睇落好似紅紅地咁喎，剃毛係咪真係冇問題㗎？主人就話，「丸子」不嬲都有睇醫生，佢係問過醫生意見先決定幫「丸子」剃毛嘅，所以大家唔使咁擔心喎。仲有呀，主人仲話「丸子」剃完毛之後動作敏捷咗，連食慾都好咗?～

資料來源：dcard