今日，毛毛要同大家講一個勵志故事。故事嘅主角叫做明仔，佢出生於日本，係鐵家族嘅其中一個成員。鐵家族好多人都會成為飛機、火箭、Iron Man等等，而明仔，就係一條欄杆。雖然佢只係一條唔起眼嘅欄杆仔，但佢並冇自暴自棄或者睇小自己，仍然每日企喺馬路邊謹守崗位，保護路人嘅安全。

但係好景不常，某一日，明仔如常咁樣返工嘅時候，竟然發生意外令佢成個攣晒，但佢只能夠繼續默默咁企喺馬路邊……日子一日一日咁過，明仔知道自己唔會好返，心情跌落谷低，直到有一次，佢見到自己喺太陽普照之下，個影竟然係佢出事之前嘅正常線條嚟呀！呢個時候佢明白到，外表只係個臭皮囊，最緊要嘅，係自己嘅內心，係自己點睇自己！成個故事真係好勵志呀……講完！

攣咗嘅欄杆照到唔攣嘅影，真係要計啱晒角度先得㗎，不過相信呢張相入面幾條連影都冇嘅欄杆仲難得一見呀！就算係中午12點，太陽喺正頭頂，點都會見到自己有個細細嘅影喺腳底㗎嘛，但呢幾條柱就咁啱同個影100％重疊，就咁睇差啲以為係P上去㗎?呀～咦，唔係喎，冇影嘅話，會唔會其實係欄杆鬼嚟呀……

影だけでも原形をとどめようとする健気なガードレール pic.twitter.com/B7rHuZRPnN

— GK (@garykiritake) April 23, 2017

封面圖片、資料來源連結： garykiritake／twitter、all_nations2／twitter