唔知大家鍾唔鍾意食森永牛奶糖呢？上年日本M記推出嘅森永牛奶糖奶昔大受好評，唔少網民飲完都話正，有日本網民更加用埋嚟點薯條食?！

而今年日本M記就決定再同森永製菓合作，喺嚟緊5月31日推出新商品森永牛奶糖雪糕，即係由下星期三開始，全日本嘅M記都有得賣喇！一杯290円（大約港幣廿蚊），預計會賣到去7月上旬。

同上年一樣啦，新商品包裝會保留返經典森永牛奶糖包裝設計嘅特色，同埋買呢杯森永牛奶糖雪糕嘅時候都會隨杯附送一粒森永牛奶糖嘅。

大家睇下，今次呢杯新商品上面仲有濃郁嘅焦糖醬?㗎～嚟緊會去日本嘅朋友仔就可以試下嘞！

資料來源：McDonald's Japan、j-cast

延伸閱讀：【打卡必備】大阪海遊館新出超靚「鯨鯊」雪糕！