嗱，大阪海遊館作為大阪十大必到景點之一，相信唔使毛毛多作介紹，大家都好清楚入面有咩玩同有咩睇㗎啦！

咁唔知大家又知唔知，最近大阪海遊館為咗慶祝小賣部「SEA SAW（シーソー）」重新開放，喺今個月一號推出咗一款鯨鯊造型雪糕呢？

呢款鯨鯊造型雪糕一邊係白色嘅雲呢拿味雪糕，一邊係藍色嘅蘇打水味雪糕，上面仲灑埋一粒粒白色砂糖菓子呀咁，望落真係成條鯨鯊咁樣樣啵！老老竇竇，杯「鯨鯊」雪糕靚到咁，唔係唔影返張相打卡呀嘛？

拎住杯咁靚嘅「鯨鯊」雪糕，再用海遊館嚟做背景，咁樣影打卡相就最perfect池㗎嘞～

btw留意返，呢杯「鯨鯊」雪糕本身就賣400円嘅，不過官方話只要喺三月期間幫襯都會有優惠，可以平100円。即係話而家只係用300円就可以買到呢杯「鯨鯊」雪糕喇！喂，邊個最近去大阪呀？

海遊館付近でうろうろしてたから、そのジンベイザメソフトを即買いに行きましたよ。ジンベイザメや。w

現在、オープニング記念で100円引きの300円ですのでお得です。
まいう〜。^_^ pic.twitter.com/9T8fRRoj4w

— K.Shigematsu (@shigemac) 2017年3月5日

資料來源：大阪海遊館、shigemac／twitter