毛毛發現，原來啲日本人真係幾鍾意星空，就好似呢嚿星空羊羹咁，羊羹咪羊羹囉，又要整啲星星月亮上去嘅，鬼死咁靚......叫人點捨得食啫！

不過唔止羊羹有星空，原來連浴鹽球都有星空呀！有日本網民就些牙咗佢沖涼嗰陣用浴鹽球嘅相，嗱，唔好誤會，講緊影個浴鹽球咋！

佢一放個浴鹽球落去，啲水變得又紅又綠又藍咁......喂，說好的星空呢？

唉，你哋咪咁心急先得㗎......登登登櫈！星空呀！！！

老老竇竇，雖然啲水閃令令咁，真係幾靚幾似星空，但如果你叫毛毛用呢啲水沖涼嘅話，我諗我實會凝住自己用緊廁所水沖涼咁囉。

封面圖片來源：wani_yama／twitter

資料來源：wani_yama／twitter、Japan Likers