2017年02月12日 星期日
【表情滿分】救命呀！我卡咗喺個窿度出唔到嚟呀！
話說，呢位日本網民本身就好專心咁喺屋企打掃緊嘅，點知突然之間畀佢見到呢一幕，於是就忍唔住停晒手，仲即刻拎起部手機起勢咁影相?……到底呢位網民畀乜嘢吸引住佢嘅目光呢？事不宜遲，而家就等毛毛同大家一齊睇下啦！
哦！原來呢位網民係見到自己隻倉鼠仔個頭卡住咗喺平時玩開嗰個紙皮箱嘅窿度呀～嗱嗱嗱，係咪呢，都話咗你㗎啦！成日掛住食嘢，搞到自己漲到成個波咁，而家連個窿都過唔到，畀主人影相擺上網強烈恥笑喇……你話你羞唔羞家！羞唔羞家！
隔咗一陣，倉鼠仔終於伸到對手仔出嚟。
倉鼠仔表示：「睇下，話咁快我就伸到對手仔出嚟喇，邊個話我肥啫？我根本就一啲都唔肥！係咪呀，哈姆太郎？」
（鄭嘉穎叫.jpg）呀！可惜倉鼠仔個下半身都仲係未出到嚟呢……
倉鼠仔呀倉鼠仔，雖然你卡住咗喺個紙皮窿度出唔到嚟好慘呀，之但係因為你個表情實在係太出色喇，所以你都係畀大家欣賞多陣先救你出嚟啦好嗎？
資料來源：yumessyi917／twitter
順手睇埋：
