話說毛毛試過細個嗰陣踩單車炒車，斷咗隻手，搞到要去睇跌打，仲要打石膏打咗成個月。不過好彩跌傷嗰隻係左手，所以冇影響到日常生活，好似打......電話呀嗰啲都仲應付到。

之不過我哋人類打石膏都覺得痛啦！更何況係啲小動物！最近韓國釜山就有隻倉鼠，因為整親隻腳仔搞到要打石膏呀！

老老竇竇．讀得書少嘅毛毛真係而家先知原來倉鼠都有得打石膏，仲有嗰個防止佢亂咬嘅頸圈，為咗啱返隻倉鼠嘅size，全部嘢都係迷你版嚟㗎！

雖然毛毛都知佢好痛好慘慘豬，但我真係覺得佢呢個樣好打耳呀......毛毛是咪好衰呀，哈姆太郎？

封面圖片及資料來源：Cyp_cha/twitter