噚日倒水咁款都仲只係黃雨，學生哥要冒雨返學，浸到對鞋濕晒咁上堂真係慘慘豬呀！

不過黃雨無情，人間有情，facebook瘋傳一張消防員叔叔抱住小學生行過水浸地方嘅相，好多網民都狂畀心心個消防員叔叔，讚佢好偉大好man，毛毛都覺得係呀！但係都有啲思想獨立嘅網民表示：下好淺水啫，唔係濕下對腳都唔得呀嘛，家下啲後生真係唔捱得呀港孩呀嬌生慣養呀咁。

其中一位有份參與呢個救援行動嘅消防員叔叔今日就喺facebook消防員叔叔，話畀大家知當時環境其實好惡劣，唔好睇到張相就以為係事實嘅全部！

原來係咁嘅，相入面消防員叔叔抱住嘅係比較高年班嘅小朋友，行緊嘅都係比較淺水嘅位，但其實仲有啲細粒啲低年班小朋友，如果要行過最深水個位，分分鐘浸到上腰㗎！

消防員叔叔救完人仲要咁謙咁話自己只係做緊正常人都會做嘅事，堅係真漢子！消防員叔叔，多謝你哋！

封面圖片、資料來源：Cheuk Lim Chiang

回帶：【水浸都係黃雨我X】成條街浸到Hi Hi 小學生過河先返到學