2017年04月21日 星期五
【發現新大陸】點解打開隻蛋入面仲有另一隻蛋嘅！
廚房入面嘅窮人恩物，一定非雞蛋莫屬喇，無論煎炒煮炸蒸都咁好食，如果唔係要計住啲膽固醇，日日食雞蛋六隻都得呀！你以為個個屋企都實會擺定打雞蛋喺雪櫃做儲備，隨時拎嚟加餸？係就係有呀，不過可能得返兩隻，煎又唔夠一人一隻，蒸水蛋又太細兜呢，如果呢個時候有呢隻咁特別嘅蛋出現就好喇！
講緊嘅咪就係右邊呢隻大蛋囉！佢有成6cm咁闊，9.5cm咁長，普通嘅雞蛋只係佢一半咁大隻咋！諗住唔夠食就開隻大啲嘅嚟食呀？都可以食多一啖嘅，好過冇啦。
嗱嗱嗱，如果你以為佢只係大隻啲嘅蛋咁就錯曬喇！日本北九州市農業中心話佢哋將隻大蛋烚熟再打開之後，先發現原來蛋中有蛋呀！沙律醬都準備埋你畀啲咁嘅嘢我？不過諗諗下，入面隻蛋個穀又冇掂過外面，即係冇雞sss啦，面嗰層雞蛋可以放心食用！唔怕唔怕！
最正嘅係，呢隻蛋中蛋一啲都冇揸流攤，無論係核心外圍定內圍隻蛋都一樣有齊蛋白同蛋黃㗎，今晚加餸冇難度！有請麥太教大家整蛋中蛋中蛋中蛋中蛋！
今までで一番大きな卵が産まれたので、黄身4つ入りを期待して茹でてみました。
— 北九州市立総合農事センター (@Nouji_center) February 21, 2017
剥いてみると、中からもう一つ卵が！！
中の卵は普通の卵で、外側にもきちんと黄身がありました。
これは二重卵といい、卵が産まれる直前に卵管を逆流し、再び白身や殻に包まれてできるそうです。あーびっくりした！ pic.twitter.com/Rj55dpzCiR
封面圖片、資料來源連結：Nouji_center／twitter
《尋找壞蛋的故事》
