上星期，一間喺中環開咗20年嘅二手書店Flowbooks，因為經營困難，無錢交租，搞到要畀業主收回單位。店長樹單為咗令Flowbooks可以繼續落去，佢喺網上搞咗個眾籌籌集租金，結果一呼百應。

雖然暫時解決到租金問題，Flowbooks可以唔使執住，但係，喺呢個要失去先識得珍惜嘅香港，不如問下自己，你，鍾唔鍾意睇書啊？

咪睇佢踩晒單車咁好健康，佢叫碧琳，12歲就開始離家出走吸食軟性毒品，愈迷愈食，愈食愈迷。曾經戒過，但最後又食番，好在最後佢都成功戒得甩。

依家，佢已經冇再迷失，反而搵到自己應該行嘅路，選擇去同其他同路人，一齊去教小朋友踩單車，目的係想下一代，唔好行佢哋曾經行錯過嘅路......

呢一個係媽媽要救個女嘅故事。

故事冇外星人冇地震, 不過囡囡一出世就確診罕見嘅不治之症－一個會不停增生腫瘤、影響智力，同會出現癲癇嘅病。

喺每個人都希望同自己媽咪表達心意嘅母親節，呢位媽咪，反而希望會有奇蹟出現－－就係香港，可以通過審批有助控制佢個女病情嘅藥......

上星期，喺Facebook有個post，話西九龍中心8樓有間雪糕店就嚟要執笠，引嚟全城熱話。

雪糕店賣嘅，並唔係咩野貴價又高檔嘅雪糕，而係「5蚊兩球大大球」、學生哥同深水埗普通市民都付擔得起嘅「平民雪糕」。

啲雪糕賣得咁平，係因為窮人出身嘅老闆Calvin，希望人人都有雪糕食，所以平時一放學，呢度都會排哂長龍買雪糕！

不過，就嚟無雪糕賣喇⋯⋯

呢個靚女叫Rabi。佢本身係一個設計師。

同所有女仔一樣，Rabi都對愛情有憧憬，都好想搵到一個好錫自己嘅Mr. Right。

細個嗰陣拍拖，媽咪反對，要偷偷搵藉口先出到街。到大個咗，以為自己話到事，可以放膽咁去愛一個人啦，偏偏，命運就畀Rabi遇上...

何生何太由小學相識到中學拍拖，
直到而家，都冇人可以抵擋佢哋之間嘅愛，
即使何太13歲起，就被確診患有情緒病，
由被誤診精神分裂，到終於知道係患咗躁鬱症，糾纏足足40年。
而呢40年嚟，都仲有呢個傻佬阿何生，對佢個老婆，不離不棄⋯⋯

喺灣仔春園街，有一間巷仔理髮店，同出面一般salon唔同。
老闆阿Mark話，呢度，係做廣東式理髮，即係唔太注重門面，專做街坊生意，無靚仔師傅、剪頭髮無歌聽，甚至，較剪都好少用，要嘅，只係一把剃刀咁簡單。

而呢個，係關於兩父子同一把剃刀嘅故事。

呢個咁大口氣、叫霆鋒過嚟跟佢學下嘢嘅，就係香港刀王陳華！連杜汶澤都出過post讚佢，話無人啲刀夠佢利！

磨刀磨咗70多年，華叔話：「刀咩王啊，傻佬嚟咋。」

唔知霆鋒又會幾時得閒，可以放低佢啲香蕉同衣架，過嚟跟華叔學下嘢呢？

聽日3月30號，係獨立樂隊Tacit Closet主音兼結他手Jacky嘅生日。不過，幾年前突然發現罕見胸腺瘤嘅Jacky，啱啱喺年底已經離開咗大家。

為咗紀念Jacky，同佢幾番離合，但最終都同佢走埋人生最後一段路嘅「青梅竹馬兼一生中最愛」Mercy，就搵埋Jacky生前最好嘅親友同band友，為Jacky舉行咗一個不一樣嘅「Song禮」...

玻璃心吖嗱！連鄭中基都話：「你聯絡我，我同你玩一次，你做學生」！
「保良局領袖紀律訓練營」涉嫌虐待學生嘅醜聞，震驚全港。而Facebook就瘋傳一封來自一位中學生嘅公開信，內容係揭發佢同一班同學，一年前喺學校安排嘅保良局訓練營度，受到教練過份苛刻、唔尊重嘅對待；諗住同學校投訴，偏偏老師都唔信佢講嘅嘢。
講出嚟，原來唔少去過訓練營嘅同學仔，都話有過相同嘅恐怖經歷⋯⋯我哋就搵到呢位寫公開信嘅Parco。原來連學校老師，都漠視佢嘅投訴，仲實行思想上嘅逼害。
喂！唔乸係呀！？人嚟㗎！！！！