樓價飛騰，上車冇望。酒店都畀自由行霸晒。搞到一眾癡男怨女都冇地方互吐心聲，要吐就惟有搵啲公眾得嚟又唔太多人，最緊要係唔使錢嘅地方，例如殘廁呀、巴士站呀咁。而今次毛孩就評測下各熱門gathering地點，等大家用行動對抗地産霸權。（戴頭盔mode ：本文章淨係介紹吓啲冇咩人嘅地方，畀大家可以安靜gathering，傾吓心事，絕對冇鼓吹任何非法行為。）

殘廁
可以邊傾邊飲咖啡，幾重享受呀喂！

後樓梯
行咗咁多層樓梯，未入正題已經熱晒身，warm up時間都慳返！

巴士站
 邊個話巴士站唔得㗎？強國人再一次用行動證明，只要強國講Duck，就一定Duck！

公園
香港啲公園唔准呢唔准嗰樣，好彩仲未禁止gathering！最啱啲依法辦事嘅香港人去。

停車場
停車場都算冷門，但勝在死角位多，都不失係一個好地點。

天台
根據網上片段，成日影到學生喺天台度gathering，天台似乎係學生哥嘅玩意。所以我哋更加要去重溫當年嘅青蔥豆芽夢。

私家車
如果有架私家車，咁gathering地點限制就會從此打破，實行去到邊就gathering到邊！

郊區
傳統最重視天人合一，所以不妨去郊區體驗下咩叫天人感應。

腦細房
OT咗成日，攰到冇力周圍走，心中慾火怒火二合為一，燒到㷫烚烚。不如就去腦細房到平靜下！最好扔低埋啲垃圾入房發洩。