「毛記電視城」每日要製作咁多劣質節目，公司內見盡都係人才就唔出奇。但咁都唔只喎，其實公司仲放有好多藝術品，等同事們有空可以欣賞下，陶冶下性情。唔信你睇下呢件由毛孩同事們共同創作嘅藝術品……

同事們去完廁所唔沖廁，用晒廁紙都唔換，放工離開公司但開晒全公司冷氣，食飯叫好多嘢同時食剩好多嘢，食剩嘢會擺放喺當眼處一星期等其他人處理……毛孩都覺得係行為藝術，見慣見熟。

但上面呢件藝術品，真係唔講得笑……佢係公司上上下下同事一齊努力嘅結晶，絕對唔係話一個人可以做得到，另外，佢當中包含住力學、美學、哲學，仲有小學嘅完美Balance。只要你一唔小心再放多一件嘢上去，佢就會被摧毀……呢份咁短促嘅藝術生命，令佢更有價值更有意義。