連女神屁同童子尿都有得賣，到底有啲咩係喺全能嘅淘寶搵唔到㗎呢？呢款昆蟲棒棒糖，大膽創新，晶瑩通透，浪漫新奇，強國嘅創作力量同幻想，果然會嚇你一跳！

仲有好多款味畀你揀，有辣有唔辣，任君選擇。

就咁望已經見到佢色澤鮮明，Ummumum，一放入口，味道甜甜地，有種初錬嘅簡雀，仲入口即溶，含幾啖就開始食到蠍子仔。

一咬，爽脆中帶點嫩滑，係毛毛成世仔都未食過嘅滋味呀！嗚呀！好清新呀！我仲感受到條蟲蟲喺我口腔跳舞咁呀！

買淘寶要睇評價是常識吧。買家們都大讚「姣痴」，毛毛只想講句，親，你真識食！

聽講呢啲蟲蟲有豐富蛋白質㗎，特別啱嗰啲注重營養嘅囡囡呀！（好大頂頭盔）雖然毛毛個食評講到似層層，但其實我係未食過嘅，你估我真係食家咩？如有真•食評，麻煩話畀毛毛知。

資料來源：淘寶