家計會噚日就有宣傳片叫大家不妨生4、5個，又話可以大合唱又組隊打籃球咁。究竟香港人有乜原因要生5個？

晒有錢

眾所9知，養一個細路要4百萬，5個就要2千萬，又要畀錢讀名校，又要報讀無窮無盡嘅興趣班，完全係一個燒銀紙嘅遊戲。能夠令你嘅仔女成功，即係證明到你有錢，因為只要你一唔夠錢，你個仔女就會輸在起跑線，成為大個只會揸住芭蕉扇嘅廢青。

當投資

而家個市咁混亂，投資股票隨時等於倒錢落海。想試吓啲長遠嘅投資，可以試吓生仔。一個唔覺意，你個仔係萬中無一嘅天才，自然就會帶挈你發達（除非唔係）。但係生一個嘅風險較高，生夠五個就可以分散投資，多幾個機會發達。

真‧育成遊戲

而家啲家長細細個一定玩過數碼暴龍或者寵物小精靈。如果佢哋想懷舊，想重拾返細個玩育成遊戲嘅感覺，大可以生多幾個玩吓。

原Link: 家計會2015生隊籃球隊廣告