今日有網民話竟然有商店唔知係咪有心咁用其他銀紙嚟扮港紙嚟呃錢呀！睇真啲呢啲銀紙都好似港紙喎，各位要小心唔好見見錢就收呀！

如果佢係有心跣你，咁佢用澳門幣真鈔又真係吹佢唔脹㗎喎，又唔係用假銀紙，你找佢晦氣佢頂多話自己睇錯嘅啫。

呢pair銀紙同樣好似樣，不過如果佢唔小心找錯咗100澳門幣當廿蚊紙畀你，咁計落又好似有So喎。

但係好似呢張咁就真係擺到明搵笨啦。之前唔知邊個聰明仔諗到將津巴布韋紙印香港啲銀行個名上去就扮金牛，收錢嗰個都唔知嬲好定笑好，心諗係真係當我盲嘅咩？

不過錢銀嘅嘢都係睇真啲好，唔係一個唔留神返到屋企個銀包變咗國際銀行就唔好啦。

來源：‎Tai Po 大埔 facebook group