今日放榜，我諗好多考生都灰到唔願做人㗎喇，但係千祈唔好灰心呀！因為生命真係充滿希望㗎。今日有個中大巴打就自爆自己當年攞U，而家竟然入到醫學院仲要攞埋dean list，真係好勵志呀！

你考成咁呢一刻電視機仲完全唔理你感受咁播住啲狀元攞星有幾威威，佢哋有冇人性㗎？唔緊要，熄咗個電視佢，毛毛同你睇吓啲真勵志故事下！

雖然佢張相影啲唔影啲，但係睇返個位佢當時英文科五張卷考得ＵＦＵＦＵ咋，但係上面兩張相就係Dean’s list同Head’s list獎狀，哎毛毛都知佢咩list啦總之係全世界考得最好嗰幾個啦。

總之呢，考得唔好唔使死嘅，毛毛想同大家講返句：「你點知今年會讀到醫㗎？唔知㗎，希望在明天吖嘛！」

來源：CUHK  Secrets