唔覺唔覺書展又就到咗尾聲，吓，你仲未諗到買咩書？睇睇下面建議就可能幫到你。

港孩: 宗教類

面對排山倒海嘅暑期作業同埋興趣班，港孩唯一可以希望嘅就係上帝會喺苦難當中打救佢哋。

怪獸家長: 投資類

除咗可以喺股海之中搵多幾個錢交學費之外，仲可以轉化書入面嘅知識嚟應用喺仔女身上，例如投資落佢哋未開發嘅潛能度。

毒L: 溝通技巧類

溝通溝通，溝得多就自然通，不過未有機會同女神溝通之前，自己每日對住塊鏡練習吓先啦。

後生仔女: 歷史類

而家啲後生做乜都錯，搭車坐低係罪，揸住把芭蕉扇又係罪，遲啲可能連唞啖氣都係罪，拉勻一生嚟計，你應該冇乜幾時唔係瀨緊嘢，睇返多啲歷史，吸收前人教訓，咪再重複犯錯啦。

港女: 軍事類

收兵收咗咁耐，係時候要專業啲，睇完啲軍事書，咪可以同啲兵仔分埋兵種，調整一下策洛，咁以後分派任務畀佢哋嘅時候，效率就高好多啦。

資料來源:

Best of Takashi 104閱讀Reading + WordPress.com 維基百科 星輝圖書有限公司