立法會傾緊起一條由屯門可以踩到元朗、上水、大埔同馬鞍山嘅單車徑，點知葉劉話潮流興返 大陸踏單車，係咩我未聽過嘅？

原來葉劉話個潮流係啲「中產」帶埋部單車去深圳踩，加埋嫌而家條講實用嘅單車徑風景唔夠靚，所以反對起呢條單車徑呀，佢仲話與其花咁大筆錢起單車徑，不如「鼓勵市民返大陸踩單車」喎。

咁就梗係啦，而家香港地邊有人係為咗慳嗰幾蚊車費而用單車代步返工㗎？梗係睇風景緊要過實用性啦，仲有呀，踩單車嗰啲人全部都係係有架私家車，然後得閒冇嘢做買埋架單車，再用架私家車車架單車出去踩㗎嘛。所以呀葉劉鼓勵大家帶部單車上大陸踩嘅建議係非常有見地㗎，祖國風光無限好吖嘛！

來源：881903