香港而家啲廢青越嚟越廢，越嚟越離譜，小小嘢就又衝擊，又佔領乜乜乜，實在令上一代嘅長輩擔心。好在香港仍然有好多有心人冇放棄過呢班廢青，好有耐性咁教導大家，想大家重回正軌，有一日會為香港、為國家作出貢獻。

話「襲警猖獗眾所周知」，要判重啲先可以令香港人知道襲警唔係小事，所以就重判咗班廢青嘅裁判官陳碧橋，原來係「香港學生輔助會」嘅主席嚟㗎。呢個會嘅網頁上面大大隻字寫住「一切為了孩子」，當堂明晒！佢判得咁重其實都係用心良苦，希望班廢青能夠吸收教訓，唔好總係重複犯錯咋（應該係），絕對係一眾縱慣細路嘅怪獸家長典範。

再睇，喂，原來特首夫人都係贊助人嚟㗎，香港第一母親喎，又開明又溫情，對囡囡嘅管教收放自如，直情係最佳母親人辦。

來源：香港學生輔助會, 梁齊昕 facebook