鉛水風波搞到香港人飲啖安樂水都冇，今日又有報道話，「全港業主反貪腐反圍標大聯盟」發現屋苑維修合約寫住「含鉛及錫之化合物」喇！竟然白紙黑字寫到明要含鉛咁大膽？！

而工程顧問公司事後就話係打錯字，寫漏咗個「不」字，應該係「不含鉛及錫之化合物」至啱。哦，好小事啫，雖然意思唔同晒，但都係少隻字咋嘛，又唔係多段字搞到要print多張紙。

拿，唔好話腦細刻薄員工喇，可能佢係想話「不只可以申請去兩次洗手間」呢？

話唔定treegun話「你講粗口問候人哋，分分鐘會畀人告普通襲擊」都係講漏咗個「不」字，其實佢係想講「你唔講粗口問候人哋，分分鐘會畀人告普通襲擊」呢？

資料來源：蘋果日報、全港業主反貪腐反圍標大聯盟