上個禮拜，颱風蘇迪羅吹正台灣，吹歪咗兩個郵筒，由於佢哋好似側頭貓咁得意，所以愈嚟愈多人去潮拜，影相呃like，甚至仲幫佢哋改名做「小紅、小綠」、「Jack and Mary」！

打卡人潮令到附近塞晒車，所以星期四小紅、小綠就要搬屋啦！其實好似佢哋啲咁打耳嘅郵筒，無論喺咩地方，都好似漆黑中嘅螢火蟲一樣，咁鮮明，咁出眾！搬到去邊人潮只會跟到去邊！

西環4棵古樹被斬殺之後留低嘅根都引嚟唔少市民寫心意卡同掛波波悼念，香港正苦會唔會又話搞到人多擠迫，要連根拔起㗎？

資料來源：台灣中央社