噚日四哥火爆出手打人唔小心整修哥，曾江事後好冷靜仲係咁笑笑口話「冇事嘅冇事嘅」，Joe Junior又全程默默幫手收音，令唔少人都覺得成件事係大台嘅宣傳手法喎！

就喺噚晚，疑似4個小生嘅whatsapp對話流出鳥！唔好話年紀啦，4位演戲年資加埋都過百，做咩咁都練唔熟咁大頭蝦呀？對話入面有修哥同四哥，曾江又唔喺度，唔通係Joe Junior流出嘅？！

不過最慘豬都係朱江，畀人add錯入group…… 唔知邊個係朱江？睇返91年發哥同哥哥做嘅《縱橫四海》呀，曾江扮養父，朱江扮契爺㗎。大家都係阿江，又係男人，又好難怪Joe Junior會搞錯嘅。