連深水埗元州邨及牛頭角彩福邨都驗到食水含鉛量超標喇，元州邨仲最多超標成14倍呀！媽好驚呀！我只係想飲啲好true好pure嘅食水啫，乜都咁難嘅？

傻豬嚟嘅，唔使驚，程醫生喺大廳。佢話食水含鉛量高，並唔等於有關住戶嘅血液含鉛量都會高，亦都唔代表健康風險就會大，仲要睇埋住戶嘅年紀呀、身體狀況呀、飲幾多水呀之類嘅因素咁樣樣。程醫生係衛生防護中心監測及流行病學處主任嚟㗎嘛，佢話冇問題就冇問題㗎喇，學佢之前話齋，拉勻一生嚟計，冇乜大影響嘅（好似係），大家唔好自己嚇自己），亦都唔好引起公眾恐慌呀！

來源：蘋果日報