仲有兩個禮拜開學喇喎，你班將會成為廢青嘅小學雞做晒暑期作業未呢？香港人就不嬲都好有生意頭腦，有HiHi唔想做暑期作業，自然就會有HiHi賣暑期作業答案。

每逢七八月就會出現好多賣暑期作業答案嘅IG Shop，用Whatsapp 收答案嘅話十蚊就有交易，抵到爛啦，而家香港十蚊買碗糖水都唔得呀......另外如果有啲廢青之中嘅廢青，廢到連抄都懶得抄，都一樣照顧到你嘅需要，成本作業買又得，請人幫你做又得，得咗！

老老竇竇，唔喺學校買暑假作業，自己去書局買咪有埋答案囉，要特登用錢買答案㗎咩？慳返嗰十蚊八蚊儲首期啦！