禮義廉又為民服務啦！佢哋今次就帶同一班受鉛水影響嘅居民去到政府總部度請願，要求政府為佢哋安裝濾水器同埋更換喉管，仲有要幫啲居民驗血咁樣，好有愛！見到禮義廉出馬，我就安心晒啦，因為佢哋一定可以成功爭取到乜乜乜嘅（好似係）。

細睇佢哋嘅訴求，全部都係一心一意為居民發聲㗎，咩「解決鉛慌 安定民心」呀、「提供適切免費醫療方案」呀咁，咦？不過咩叫做「加強政府驗血能力」？

唔知是咪暗指緊件事到而家仲未解決，係因為政府裡面有瘀血，要驗清楚呢？禮義廉果然係最接近神嘅政黨，出心出力、實話實說、實事實幹......咪住先，明明好似一個月前，對於鉛水事件禮義廉唔係咁講㗎喎......

當時有議員提出特權法調查鉛水事件嗰陣，佢哋明明係成功爭取否決咗㗎喎。究竟佢哋係想成功爭取到啲乜乜乜㗎？我好亂呀！

來源：Now新聞、蘋果日報