眾所9知，今年9月3號係抗戰勝利70周年紀念日，可以放假1日。而貼心嘅正苦可能驚有啲熱愛工作嘅傻豬會唔小心返咗工啦，所以就喺地鐵度都落咗大大個溫提廣告，之但係居然有啲廢青話睇唔明囉！

叫咗你哋畀啲心機學好語文㗎啦，中文又唔得，英文又唔得！話緊你哋呀廢青，我哋正苦手足收得咁高人工，學歷同資歷，仲有語文能力梗係有返咁上下水平先坐到呢啲位啦，你哋自己冇讀好書就唔好質疑人哋啦，仲有呀，收錢做嘢㗎嘛，錢愈多，做嘅嘢咪愈多囉，點可以咁求其用幾粒字就打完㗎，梗係要有咁長得咁長，有咁多字打咁多字，證明自己做咗好多嘢啦。不過最慘都係第時啲細路，個紀念日個名咁長，記性差少少都背唔到呀！

睇你哋都係睇唔明佢噏乜春㗎啦，大概就係叫你哋整到一地濕晒嗰陣小心啲，睇L住嚟跣喎（應該係）。