大台下星期播新節目《在那遙遠的地方》，但脫北者關注組就話大台只係影到金仔正苦安排嘅一面，唔夠真實。

睇返大台網頁介紹，明明話「實地了解北韓人最真實一面，揭開這個鐵幕國度的神秘面紗」，仲講到攝製隊冒住生命威脅深入虎穴拍咁㗎喎，應該點都有幾分真啩。

點知轉個頭，節目主持人洪永城就喺facebook話節目係旅遊節目，影到嘅唔係北韓嘅全部，仲話鏡頭後嘅北韓，大家心中有數。喂喂喂，一個話真實一個話其中一面，你哋有冇夾過口供㗎？我應該信邊個？

唔知大家記唔記得呢，兩年前有新聞話全世界得返4個國家唔畀上facebook，就好似呢單強國新聞講咁，就係：北韓、古巴、伊朗同「其他國家」。

之前洪永城去到北韓嘅時候都有upload自拍打卡，話原來北韓都上到facebook，毛毛諗，呢啲就係大台所講嘅真實喇。北韓而家已經畀人民自由上外國嘅網同外面文化落後嘅世界交流，仲先進過要「God use VPN」嘅最大民主國！

資料來源：TVB、洪永城Tony的地球facebook

回帶：CCTVB變埋北韓中央電視台?