早兩日新一屆港姐冠軍出爐，明詩bb又10A又劍橋又笑得甜，成為人生贏家加港女葡萄對象兼公敵，毛毛梗係要loop多幾次佢登上冠軍寶座嘅毛文啦。

明詩bb一舉手一投足都有陣氣質湧出嚟，強到好似摩西分紅海咁將其他失敗者分開兩邊，而佢就好似一隻又鮮明又出眾嘅螢火蟲咁，鶴立雞群。

呢個場面，似曾相識啵，有點謝師宴毒男嘅味道。不過呢個學生哥係因為太毒先冇人理，而明詩bb就因為太強先冇失敗者敢企埋去，level唔同嘅。

明詩bb又唔使因為冇人睬而唔開心嘅，起碼都有DoDo姐過嚟同你攬攬呀，有人連同DoDo姐大合照嘅機會都冇㗎！

資料來源：蘋果日報、do_do_cheng/Instagram