每個打工仔都會做到頹、做到攰、做到想死、做到好很想劈炮，大台嘅員工當然都唔例外啦，不過佢哋就有佢哋特別嘅一套減壓方法。

有個做到就快死嘅大台員工忍唔住要爆喇，於是佢就喺公司嘅暗角嗰度寫低咗佢嘅真‧心聲：「快死了」，冇幾耐，就有另一個好有愛嘅同事喺側邊寫咗句：「加油＾V＾」。

過多幾日，又有另一個同是天涯淪落人嘅同事喺隔籬再留言：「我忍撚夠la，你呢？」⋯⋯

就係咁，一變四、四變十二，呢個暗角，就成為咗大台員工嘅民主牆喇。毛毛唔知道呢幾位同事是咪相識，不過能夠喺同一間公司一齊做⋯⋯到死都算係一種緣分，而且仲可以搵到同聲同氣嘅同事一齊明張目膽咁呻，都算係咁啦，唔係間間公司都好似大台咁咁有言論自由㗎，唔小心講咗公司壞話或者同公司立場唔同，分分鐘會畀人雪藏，呀，我指畀人減薪、炒魷㗎。