唔知幾時開始香港愈嚟愈多騙案，估唔到而家連的士都有得係假！媽呀我好亂呀，到底仲有咩嘢係信得過㗎？

有摩擦力特強嘅網友喺街影咗呢張相，發現有架紅色車cosplay的士。而家大家一齊玩找不同遊戲呀吓，到底呢架的士同普通的士有咩唔同呢？冇錯，佢車身係冇噴上「的士　Taxi」嘅字㗎！睇返香港法例，咁樣做係犯法㗎！

唔怪知最近咁多明星都話遇到啲的士司機惡劣對待啦，真唔識路假拒載嘅又有，兜路嘅又有，毛毛肯肯定都係呢啲假的士司機所做嘅（應該係，除非唔係）！唉，香港的士司機出名又好態度又好服務㗎嘛（好似係），多得呢班害群之馬影衰晒的士行業喇。之前慈母咁高調掃蕩Uber吖，唔知幾時會拉埋呢班假的士司機呢？

資料來源：我真心撐警察極醜惡專頁 、香港律政司網頁