有讀者喺殊殊嘅時候，發現尿兜旁邊竟然有張貼紙，佢唔係叫你唔好吸煙呀小心財物呀呢啲標誌，而係寫住「關愛長者」呀！

廁所又濕又滑，長者一企唔穩就好容易會跣親㗎喇！所以呢張貼紙肯肯定只係想提你喺去廁所嘅時候留意吓身邊嘅長者，有需要嘅時候咪幫佢哋扶住囉……我意思係扶住佢個人咋吓！

其實而家除咗地鐵同巴士有關愛座之外，得十六個位嘅小巴都好鼓勵大家關愛別人，讓座畀有需要嘅人㗎！

真係人間有愛呀！唔知遲啲會唔會有埋廁所嘅關愛座出現呢？到時班廢青記住即刻彈開，屙梗都要縮返入去！咁就真正做到「關愛長者」啦～

資料來源：上水人大聯盟