根據非正經研究條毛統計，香港人每日飲成13億杯檸茶，日日咁飲法都相安無事，不過就喺今日，神奇嘅事發生鳥。

有位讀者話喺好出名快嗰間茶記嗌咗杯凍0T，話開頭飲落覺得茶味好濃，再啜落去就開始覺得，咦乜都唔酸嘅喂？再飲落去，就發現呢杯唔係檸茶，係茄茶！相信係有塊蕃茄覺得太熱，跳咗落去消暑！

其實蕃茄同檸檬咁～似樣，紅色同黃色又咁難分，又好難怪茶水部哥仔會搞錯嘅，佢唔係好似另位網友去嗰間Café咁做已經好好，要識感恩呀！