早一兩個月扶手電梯成日都出事，搞到大家心慌慌唯有做個健康新人類行樓梯上落，但香港人咁善忘，可能已經回復正常，唔記得咗嗰幾單意外喇。

平靜咗一排，今朝又有電梯散喇。鰂魚涌站近Ａ出口一條3日前先檢查完嘅扶手電梯，係3日前呀，最頂一級突然自炒，有鐵片飛開，好彩冇人受傷咋，不過真係睇見都好似689隔籬個四眼哥哥咁窒一窒。

反應敏捷、安全至上嘅港鐵立馬圍起條自炒電梯檢查同維修啦梗係，張告示仲好詳細寫埋典解要暫停?，唔係有事故或者故障，而係「改善工程」呀！有張仲好唔小心豬咁寫錯噚日個日期?。BTW，港鐵一向咁致力拉近香港同強國嘅關係，唔係寫「優化工程」已經好好㗎喇！

資料來源：Andrew Chan、樂活鰂魚涌