2015年09月18日 星期五
【全球第一】香港打工仔工時最長
廢青們成日都怨香港呢樣唔好嗰樣唔好，蔣元秋又話太自由會不宜居，但香港終於有樣嘢係全球第一㗎喇，好威威豬呀！瑞士銀行最新報告《Prices and Earnings 2015》話香港打工仔工時係全球最高，每年要開2606粒鐘呀！
毛毛將香港同其他10個香港人鍾意去嘅城市拼埋一齊，係喎，真係工時長好多喎！都話香港人勤力㗎啦，咪再話我哋係港豬呀！仲有，個報告仲好串咀咁話，工作狂都應該搬去香港?，咁香港咪可以吸引好多專才同奴才囉？嗯，不過其實呢個世界有幾多工作狂吖？有嗰啲都喺晒度啦。
凡事都應該向好嗰面諗嘅，瑞銀有個大粒佬就話，香港打工仔夠勤力，人工就高，可以幫補購買力，應付升到嘭嘭聲嘅物價呀！係喎，其實工時長真係好多好處㗎～
