而家啲細路，細細個讀幼稚園就要開始補習，不過你哋唔好以為做補習老師好容易呀，而家啲教科書比起你讀書嗰陣難咗好多㗎！

就好似呢間幼稚園咁，K3嘅同學仔，就已經要識寫「我愛中國」呢啲總共35劃嘅基本字詞。係一定要識寫，而且要多寫，貴為學校裡面最大個嘅哥哥姐姐，梗係要帶頭做好榜樣啦。

香港同北京血濃於水啊！大家都係強國嘅城巿嚟，而且，北京仲係我哋嘅家鄉嚟㗎，原來！多得呢位讀者send嚟，我先至醒覺，原來我咁大條毛，出世咗咁耐，唔係幫個細路補習，連自己家鄉喺邊都唔知，之前仲返錯鄉下?呀唉，真係醜死怪。

BTW，好彩啱啱過咗農曆7月咋，我差啲以為呢個家庭愛國教育之旅，係去探邊個爺爺，仲識彈起身上返嚟帶我去睇升旗禮?呀。

可能你會話，咁去外國讀囉。喂，你唔係以為你去到外國就可以成功去中國化呀？少年你太年輕，世界都是中國的，就算你去到英國，都一樣逃唔出強國嘅手指罅呀！

喺英國嘅中文學校，一年級嘅同學仔就要開始認人，認邊個？唔係毛爺爺，係成蟲啊！好西⋯⋯利！估唔到成蟲衝出香港唔淨止上大螢幕，仲上埋教科書?呀，好威威豬！