前幾日有位巴打行行吓街，驚見街邊有個簡體字嘅廣告牌！

要做文明人，首先你要學簡體字！君不知簡體字一早已經融入咗我哋生活之中，考試寫簡體、餐牌寫簡體⋯⋯等我哋可以同強國接軌嘛，不過最重要梗係廣告寫簡體啦，唔係邊有生意做呀？而呢個廣告牌仲大大隻字寫明係留學生優惠，明晒，但呢位充滿好奇心嘅巴打仍然走去間公司嘅FB多口問句：

反了反了！佢竟然回應話呢個優惠係外國留學生專用囉。嗯，唔通啲洋腸學生識睇簡體又要話你哋聽咩？定係佢想話強國都係外國呀？我睇唔透，我淨係睇得透總之個優惠就冇本地學生份囉。不過其實都唔需要大驚小怪嘅，我哋嘅港鐵一早已經帶頭奉行緊呢個「強國限定」嘅原則啦！

公屋又冇、學位又冇、港鐵位又冇，而家連個電話優惠都冇！唉，到底香港人仲有啲咩係有㗎？

資料來源：高登討論區