香港嘅社區組織真係好似神一樣咁無私偉大，就睇呢個耶穌一般嘅動作，加埋磁浮半空嘅杯麵呀，米呀，罐頭呀咁，真係睇到都覺得一陣感恩湧上心頭。

見到呢位大哥頭上面飄下飄下嘅嗰卷廁紙，毛毛都感受到嗰股奇妙呀。

真係唔好誤會，唔好以為佢哋係因為11月就快區議會選舉，先至加大神力行五餅二蛇嘅神蹟，呢啲一定係純真嘅大愛，只係咁啱臨近選舉咁解嘅啫。

呢啲福袋簡直係母親們嘅福音，你睇佢個樣幾咁amazing？就好似見到黨嘅紅太陽一樣！神聖嘅一票咪就係咁解囉。