細細個老師都有教：1月大2月小......7、8月就兩個月都大，而9月就肯肯定係小！如果你哋諗住係老師講就實冇死，呢個諗法真係大錯特錯，因為冇嘢係永恆㗎（除咗亞視），估唔到毛毛成廿歲人先知......原來9月真係有31日！！！

我唔直接去答，我用例子嚟答你哋：

1）某網上平台發佈會

好似真係好抵喎，到下年9月31日前都有得免費睇～

2）韓燒優惠券

優惠券最重要梗係留意日期啦，過咗期冇得用咪蝕囉。

3）康文署訂營日期

平時你哋就話強國網信唔過吖，咁正苦網站冇理由會出錯喇掛～

4）英文日曆

嗱，月曆都話有㗎......

5）日文日曆

唔止呀，連日本嘅日曆都話有呀！

6）八字批命網

既然月曆都有呢日，咁唔知有冇人喺9月31日出世㗎呢？嘩，毛毛上個八字批命網check吓，點知連農曆同星期幾都有得show埋出嚟呀！

7）人人網

咁就唔差在上網check埋9月31日有咩大事發生過啦......不得了！上面竟然寫住：「1949年9月31日 中国共产党紧锣密鼓筹备开国大典事宜」，連黨嘅大日子毛毛都記錯係10月1日，實在太羞家baby喇！ 

一個大話講一次都仲係大話，但當而家有10萬9千張圖都話緊畀毛毛知，9月真係有31日嘅時候......媽呀，我真係覺得好亂呀！

來源：康樂及文化事務署、人人網、朝日新聞、v.8s8s.com

延伸閱讀：9月有31日？