2015年09月28日 星期一
讀幼稚園都要留班？
早前就有網民發現咗正苦嘅小一入學申請宣傳單張個設計28年都冇變過，淨係左右調轉宣傳單張上面嗰兩個學生哥就當新設計，仲笑9佢哋留班留足28年?～唉，話你哋見識少真係見識少，一個設計能夠經歷28年都仲用得，證明真係設計得好好囉！
仲有呀，留班28年唔得㗎咩？計計條數，由幼稚園開始留就差唔多啦......最近都有個幼稚園小朋友因為入唔到心儀嘅小學，所以校長就建議佢留班，讀多年K3，咁下年入到名校嘅機會就會大啲㗎喇～
大家又唔使大驚小怪嘅，其實個原理同入唔到U再repeat一樣啫，雖然repeat冇保證你一定入到，但起碼都仲有個機會吖～Btw，個個都話大學畢業證書係一張見工入場券，不過而家睇嚟，連幼稚園畢業證書都好難拎到喎......
