如果女朋友同自己阿媽一齊跌落水，你會救邊個先？答女朋友又死，答阿媽又死，叫人點答喎（雖然仲未有人問毛毛......）！不過唔緊要，因為呢個長期排喺千古難題排行榜第一位嘅問題，終於都有答案喇！

最近，強國司法考試其中一條多項選擇題就問：「關於不作為犯罪，下列哪些選項是正確的？」，首先毛毛解釋吓咩叫「不作為犯罪」，「不作為犯罪」唔係話你冇罪，都唔係話你做咗乜乜乜而有罪，而係話你冇做乜乜乜所以有罪，簡單嚟講，一個字：見死不救。

而官方答案就話A、C、D都犯咗「不作為」罪。咦！咁C咪即係話，如果發生意外，而你因為救女友而冇救阿媽，就即屬違法？吓，救咗人都犯法？咁咪即係一定要救阿媽先？咁下次再畀囡囡問咪可以大條道理話救阿媽先囉～不過點解B個情況又唔犯「不作為」罪㗎呢，明明都係見死不救，可能真係「女人如衣服」啦，中國人果然百行以孝為先～

Btw，雖然千古難題排行榜第一位已經解決咗，但日常生活中，仲有千千萬萬條千古難題......

來源：百度百科、51test.net