2015年09月30日 星期三
對女朋友嘅六大要求？
最近有港女喺台灣攀岩嘅時候被困，而消防員救佢嗰陣，佢竟然話：「我唔可以掂到水㗎！」，一句就撻着咗台灣嘅消防員，呢單新聞一傳出，即刻令港女嘅國際地位直線飆升啦！雖然港女對生活有要求嘅形象已經深入民心，但啲港女仍然精益求精，繼續成日討論對男朋友有咩要求，之前仲猛咁討論最接受唔到男人有啲咩外貌缺點?，真係由頭數到落腳趾尾......
不過淨係得港女有要求，公平咩？有義憤填胸嘅港男都為一眾男士挽回返少少面子，對自己女朋友開咗六大要求！又話食嘢要AA制，又話一年只可以買三套衫乜乜乜......
搞到一班（女？）網民都鬧爆，話個男朋友「簡直黐線，淨係第1條已經接受唔到～」，又話「沒有最自私，只有更自私！」，仲話做佢女朋友慘過做奴隸?！唔知大家又覺得合唔合理呢？
嗯，毛毛雖然未有女朋友，但都對將來嘅女朋友有少少要求嘅，少少啫，唔係好多，唔係好難。
