2015年10月08日 星期四
特別的求職方法
升職要睇有冇影響煙子，求職都要睇下有冇智慧煙子，最近有半個headhunt（係，佢自己話自己係半個）就表示收到一份親身送上門嘅CV，咁有誠意但佢都似乎唔多buy。
是咁的，話說呢半個headhunt就收到個求職者嘅CV啦，點知一睇，poster嚟嘅喂？留意返呢個求職者唔係申請做美術部、創作部，都唔係做廣告部呀下，佢係申請Account呀！Account呀，即係會計部呀！即係日以繼夜夜以繼日都係對住啲字同盤數嗰啲呀。下？咁點解係poster？唔得咩？份份CV都一式一樣A4紙兩張咁，腦細睇見都悶啦，梗係要突破盲腸，與眾不同，先有機會畀腦細挑⋯⋯選中㗎嘛。
不過講到特別嘅求職方法，呢個Richard都係初哥咋，向外國勢力學下嘢啦！
呢個求職者好突出，直情跳出成條盲腸，唔受紙呢種載體嘅限制，整咗個求職蛋糕出嚟（不過我睇咗一段時間先睇得出），唔知啲腦細收咗敢唔敢食呢？
講多無謂，做先最實際！呢個求職者捉準腦細心態，以行動表示佢嘅決心！不過，對鞋有啲臭囉。
唉，要成功見得成一份工，真係唔容易㗎！不過，要成功請得到一個員工，睇嚟都唔太易⋯⋯
