就算你哋冇睇開NBA，都肯肯定會聽過米高佐敦個大名，話佢係男神中嘅籃神，呢句說話真係講得一啲都冇錯！而傳說中嘅籃神今日竟然現身喺香港？聽講係因為MJ要出席一個私人雪茄party喎，所以就喺凌晨差唔多一點嗰陣，MJ出現咗喺中環雲咸街呀！

雖然黑皮膚嘅MJ喺條黑媽媽嘅街度已經夠黑，但喺佢身上散發出嚟嘅光芒一樣射到一地都係，唔止係漆黑中嘅螢火蟲，直頭可以話係漆黑中嘅超強力電筒！

不過可能因為太夜，同埋佢又畀6、7個人護住啦，所以唔係好多fans可以野生捕獲到佢......唔似得之前碧咸嚟香港咁，搞到成個荔枝角淪陷，啲快門撳得仲快過毛毛打......字呀～

Btw，點解米高佐敦唔係去佐敦㗎？而家搞到毛毛去錯咗地方，見唔到偶像喇......嗚呀！

封面圖片來源：蘋果日報
資料來源：蘋果日報、MuImUi__Chan微博