2015年10月15日 星期四
【膽敢爬強國頭】全球城市實力香港排第七
哼，好大嘅膽子呀！小香港竟然夠膽爬強國頭！最近日本有民間機構公佈「全球城市實力排行榜」，香港排第7，而上海同北京都係排17同18，香港真係數典忘祖！
全球城市實力係點得出嚟嘅呢？係研究所根據40個城市嘅經濟、研究開發、文化交流、居住、環境同交通呢啲指標計分得出嘅～
香港嘅經濟同交通可達度都好叻豬呀，全球第5，不過居住方面就得第21名囉，文化同環境仲要第24?……唓，你班日本仔，知咩呀，香港啲樓愈起愈貴，都係想激勵廢青努力啲搵錢咋，釘啲舊郵筒蓋，都係想大家向前望咋。
其實香港又點止呢幾項實力？仲有好多實力全宇宙排第一㗎。
封面圖片來源：Global Power City Index
